Festmutterbitten am 12.05.2023

Am Freitagabend marschierte ein kleiner Festzug angeführt von der Neukirchener Blasmusik vom Gasthaus Haunersdorfer zum Haus der Familie Duschinger. Die Mitglieder des Festausschusses sowie die Festdamen wurden dort bereits erwartet. Auch der traditionelle Balken zum Knien lag schon bereit und so setzten Feuerwehrvorstand Thomas Rester, der Vorsitzende des GOV Gögglbach und Festleiter Markus Zitzler sowie der stellvertretende Festleiter und Kommandant Martin Viehauser Ihre Knie auf, um ihr Anliegen vorzutragen.

Liebe Monika du werst es ja scho wiss‘n

Das mia next`s Johr feiern miass‘n,

a‘große Gschicht steht vor der Tür

und desweng sama heit bei Dir.

Kaum zu glaub‘n, ober es is woar

unsere Feierwehr wird dou 150ig Joar.

Unser GOV hod is 50 jahrige Jubiläum,

des feia ma glei mid, mia han ja niad dumm

Blos des oane is bled,

a Festmutta hama no net.

Drum kimmt da Festausschuß vom GOV und der Feierwehr

zu Dir heit mit a b‘sondernen Begehr.

Mit‘n Festleiter in da Mitt‘n

knian ma voa Dir mit na groß‘n Bitt‘n.

Erhöre uns, so bitten wir

wir falln sogar vor Dir auf Knia.

Drum mecht ma Di jetzt frog‘n,

 des liegt uns schee im Mog‘n,

ob‘st vielleicht des Amt dats`t übernhema,

drum sama heit zu Dir her kema.

Die Festdamen hama mit dabei,

damit‘s ebs wird mit der Bettlerei.

Wia g‘sagt, a Festmutter fehlt uns no

und wir ham überlegt, wen frag ma denn da.

A junge, saubarne Festmutter soids sei,

de guat paßt in a Dirndlgewand nei.

Lang hama überlegt und dann hama uns gsagt,

de Monika, werd‘ jetzt einfach fragt.

Monika Du glaub‘st as kaum

Du warst einfach unser Traum,

wenns‘t zuasong dads‘t, des war hoit recht

wenns‘t na sog‘st, is des für uns schlecht.

Drum bitten wir Di von Herzen heit

Und mit mir de ganz‘n Feierwehrleit,

mooch uns de Festmuatta nextes Joar,

sag ja, dann waar des Bitt‘n gor.

Sog jetzt ja - sog einfach zua,

dann kema wieda schlaffa in aller Ruah.

Als Dankeschön doan ma da an Blumenstrauß geb‘n

Und los ma Di recht hoch dann leb‘n.

Antwort Festmutter

Lieber Festausschuss, liebe Festdamen

Es gfreit mi, dasds ihr mir heit sats kemma

I dua eure Bitte gern oh nehma

Zu eurem Fest dua ie de Festmutter macha,

es soi zünftig wern, olle soin feiern, lustig sei und lacha.

Und iaz seits meine Gäst,

als Einstimmung zum riesigen Fest

und zum heidigen Festmutterbitten

mechd ie eich mit Essen und Drina bewirt`n.

I wünsch eich a paar schöne Stund,

In dieser heiteren und fröhlichen Rund.

I wünsch im da Feuerwehr und im GOV des allerbest,

in der Vorbereitung zu dem großen Fest.

Es folgte ein gemütliches Beisammensein bei Brotzeit, Bier und Blasmusik in der Garage der Duschingers